Transcription
1
Monsieur, jay resseu les lettres quil vous a pleu menvoyer,
2
anssemble celles de monsieur de Maulgeron que je vous
3
ranvoye et me semble quil ne saroyt neguossier ce
4
parquoy il vient sans prolonger la suspenssion,
5
vous entendrés par luy ce quil en sera. Au demeurent,
6
monsieur, jay esté au chasteau dissy aveques le
7
cappitaine Bolu et messieurs de la ville ; et ladvoyr
8
bien reconu, je vous puys asseurer quil ne depant
9
que de // [// lintention] de quelques ungz des soldatz que y sont quil ne
10
le randent à lanemy, oultre la volonté du cappitaine,
11
lequel couche au bas, là où lons met ceulx de
12
la vile que lons luy fornit que servent tout
13
aultant pour la seurté du chasteau que silz ny
14
en advoyt point, pource que le dangier est à
15
lautre fort hoù sont les presses, ainssy que plus
16
particulierement antandrés par ce porteur, anssamble
17
plusieurs advis quilz hont de beau coup dendroys et
18
toutes conformes, qui les met en telle frayeur
19
quilz vous supplient très humblement de comander audit
20
cappitaine Bolu de meyler ses soldatz aveques ceulx
21
de la ville pour plus de seurté pour les ungs et pour
22
les aultres ; quy semble, veu les hocasions quy se presentent,
23
fort raysonable, tant pour le service du roy, bien du pays,
24
que pour la descharge de celuy que y comande. Je pars presentement
25
pour aller à Selhans hoù je pence trover monsieur de Mirebel
26
et estre de retour demayn vers vous, à layde de Notre Seigneur, lequel
27
je suplie vous doner
28
monsieur, en parfaicte prosperité, très heureuse et très bonne
29
vie et longue. Du Crest, ce VI de febvrier
30
Votre très humble serviteur
31
Rousset